3 Mark

இயல் 1

1. சங்க இலக்கியத்தில் காணப்படும் கடற்கலனுக்குரிய சொல் கிரேக்க மொழியில் எவ்வாறு மாற்றம் பெற்றுள்ளது?
1. எறிதிரை- எறுதிரான் 
2. கலன் -கலயுகோய் 
3. நீர் -நீரியோஸ், நீரிய 
4. நாவாய் -நாயு 
5. தோணி- தோணிஸ்
2. திராவிட மொழிகளின் பிரிவுகள் யாவை? அவற்றுள் உங்களுக்குத் தெரிந்த மொழிகளின் சிறப்பியல்புகளை விளக்குக.
1. தென் திராவிட மொழிகள் 
2. நடுத்திராவிட மொழிகள் 
3. வட திராவிட மொழிகள்

திராவிட மொழிகளில் எனக்குத் தெரிந்த மொழி தமிழ்.

தமிழ் மொழியின் சிறப்பியல்புகள்:

1. தொன்மை
2. இளமை 
3. சீர்மை 
4. வளமை 
5. தனித்தன்மை 

 3. மூன்று என்னும் எண்ணுப்பெயர் பிற திராவிட மொழிகளில் எவ்வாறு இடம் பெற்றுள்ளது?

1. மலையாளம் -மூணு
2. தெலுங்கு -மூடு
3. கன்னடம் -மூரு
4. துளு- மூஜி

4. காலந்தோறும் தமிழ்மொழி தன்னை எவ்வாறு புதுப்பித்துக் கொள்கிறது?

1. காலம் பிறக்கும் முன் பிறந்த தமிழ் 'அகம்' என்றும், 'புறம்' என்றும் அமைந்தது.
2. பின்னர், அவற்றுக்கு இலக்கணங்கள் பிறந்தன.
3. அதன் பின்னர் காப்பிய இலக்கியங்களாக மலர்ந்தது
4. நீதி நூல்களாக ஒளி வீசியது. 
5. சமய இலக்கியங்களாகக் கிளைத்தது 
6. சித்தர் பாடல்களாகச் சிலிர்த்தது 
7. தற்போது தொழில்நுட்பத்தை ஏற்று கணினித் தமிழாய்த் தன்னைப் புதுப்பித்துக் கொண்டுள்ளது

5.  வளரும் செல்வம் உரையாடலில் குறிப்பிடப்படும் பிறமொழிச் சொற்களைத் தொகுத்து அவற்றுக்கு இணையான தமிழ்ச் சொற்களைப் பட்டியலிடுக

1. பாய்யியோனா-பா
2. சாப்போ -வெண்பா
3. இளிகியா- இளிவரல்
4. எறிதிரேசியன் ஆஃப் தெ பெரிபுலஸ்- கடலைச் சார்ந்த பெரிய புலம் 

6. தன்வினை, பிறவினை எடுத்துக்காட்டுடன் வேறுபடுத்திக் காட்டுக. 

1. அம்மா உண்டாள். எழுவாய் ஒரு வினையைச் செய்தால், அது தன்வினை எனப்படும். 
2. அம்மா உண்பித்தாள். எழுவாய் ஒரு வினையைச் செய்ய வைத்தால், அது பிறவினை எனப்படும். 

 7. புதுக்கோலம் புனைந்து தமிழ் வளர்ப்பாய். உங்கள் பங்கினைக் குறிப்பிடுக.

1.  தமிழ் இலக்கிய இலக்கணங்களைக் கற்று புதுக்கவிதை, நாடகம், புதினம் என்று இலக்கியங்கள் படைப்பேன்.
2.  பிற மொழிச் செல்வங்களைத் தமிழிலும், தமிழ்ச் செல்வங்களைப் பிற மொழிகளிலும் மொழிபெயர்ப்பேன்.

 இயல் 2

1. அடுத்த தலைமுறைக்கும் தண்ணீர் தேவை. அதற்கு நாம் செய்ய வேண்டியவற்றை எழுதுக.
1. அறிவியல் அணுகுமுறையில் மழைநீரைத் தேக்கி வைத்துப் பயன்படுத்த வேண்டும்.
2. நமது முன்னோர்கள் கண்டுணர்ந்த மரபார்ந்த அணுகுமுறைகளைப் பின்பற்ற வேண்டும்
3. குளம், ஏரி, கால்வாய், கிணறு போன்ற நீர்நிலைகளின் பாதுகாப்புக் குறித்த விழிப்புணர்வை மக்களிடம் ஏற்படுத்த வேண்டும் 
2. நிலைத்த புகழைப் பெறுவதற்கு குடபுலவியனார் கூறும் வழிகளை எழுதுக.
1. நிலம் குழிந்த இடங்கள்தோறும் நீர்நிலைகளைப் பெருகச் செய்தல் வேண்டும்
2. அவ்வாறு நிலத்துடன் நீரைக் கூட்டியோர் மூவகை இன்பத்தையும் நிலைத்த புகழையும் பெறுவர்.
3. சோழர்காலக் குமிழித்தூம்பு எதற்காகப் பயன்பட்டது?
1. குமிழித்தூம்பைத் தூக்கினால் அடியில் இரண்டு துளைகள் இருக்கும்.
2. மேலே இருக்கும் நீரோடித் துளையில் இருந்து நீர் வெளியேறும்.
3. கீழே இருக்கும் சேறோடித் துளையிலிருந்து நீர் சுழற்று சேற்றுடன் வெளியேறும். இதனால் தூர் வார வேண்டிய அவசியம் இல்லை.
4. பட்ட மரத்தின் வருத்தங்கள் யாவை?
1. பட்ட மரம், தான் வெட்டப்படும் நாளை எண்ணிக் கவலை அடைந்தது 
2. இலைகள் கருகியதை எண்ணி வருந்தியது 
3. பட்டை கிழிந்து, 'கட்டை' என்னும் பெயர் ஏற்பட்டதை எண்ணிக் கலங்கியது.

இயல் 3

1. வேளாண் உற்பத்தியின் பண்பாட்டு அடையாள நீட்சியை விளக்குக.
1. ஏரில் பூட்டி உழவு செய்ய உதவிய கால்நடைகளைச் சிறப்பிக்கும் வகையில் 'மாட்டுப்பொங்கல்' என்னும் பண்பாட்டுத் திருவிழா கொண்டாடப்படுகிறது.
2. வேளாண் குடிகளின் வாழ்வோடும் உழைப்போடும் பின்னிப்பிணைந்த மாடுகளுடன் விளையாடி மகிழும் மரபே 'ஏறுதழுவுதல்' எனும் பண்பாடாக நீட்சி அடைந்துள்ளது.
2. வியத்தகு அறிவியல் விரவிக் கிடக்கும் நிலையில் அகழாய்வின் தேவை குறித்த கருத்துக்களைத் தொகுத்துரைக்க.
1. கடந்த காலப் பண்பாட்டைப் புரிந்து கொண்டால்தான் எதிர்காலத்தைக் கணிக்க முடியும்
2. நம் முன்னோர்கள் வாழ்ந்து பெற்ற பட்டறிவை வகைப்படுத்தித் தொகுத்துப் பார்ப்பதற்கு அகழாய்வு தேவையாகிறது.
3. அகழாய்வு தரும் சான்றுகள் மூலம் வளமான வரலாற்றையும் பண்பாட்டையும் அறிந்து கொண்டு வலிமையான எதிர்காலத்தை உருவாக்க முடியும்.
3. உங்கள் ஊரில் நடைபெறுகின்ற விழா முன்னேற்பாடுகளை இந்திர விழா நிகழ்வுகளுடன் ஒப்பிடுக.
1. எங்கள் ஊர் விழா முன்னேற்பாடுகள்:
1. ஊர்ப் பொதுமக்கள் கூடி விழா குறித்து முடிவு செய்வார்கள்.
2. தோரணங்கள், பந்தல்கள், ஒலிபெருக்கிகள் அமைப்பார்கள்.
3. ஊர்ப் பெரியவர்களை முன்னிலைப்படுத்துவார்கள்.
2. இந்திர விழா நிகழ்வுகள்:
1. இந்திர விழாவைக் காண பலரும் வந்திருந்தனர்
2. பழைய மணலை மாற்றி புதுமணலைப் பரப்பினர்
3. பட்டிமன்ற நிகழ்ச்சிகள் அரங்கேறின.
4. ஏறுதழுவுதல் திணைநிலை வாழ்வுடன் எவ்வாறு பின்னிப் பிணைந்து இருந்தது?
1. ஏறுதழுவுதல் முல்லை நிலத்தில் தோன்றியது
2. மருதநில வேளாண் உற்பத்தியோடு நீட்சி அடைந்தது.
3. பாலை நிலப் போக்குவரத்துத் தொழிலோடு பிணைந்தது.

இயல் 4

1. 'என் சமகாலத் தோழர்களே' கவிதையில் கவிஞர் விடுக்கும் வேண்டுகோள் யாது?
1. இளைஞர்கள் சமுதாய ஏற்றத்தாழ்வுகளைச் சரி செய்ய வேண்டும் 
2. தோல்வியுற்ற துறைகளில் எல்லாம் வெற்றிக்கனியைப் பறிக்க வேண்டும் 
3. பெரியோர் சொற்களைக் கேட்டால் மட்டும் போதாது; அதன்படி வாழ்ந்து காட்ட வேண்டும் 
4. அடக்கமாகவும் பொறுமையாகவும் இருக்க வேண்டும் 
5. உணர்ச்சிவயப்படாமல் அறிவைப் பயன்படுத்த வேண்டும் 
6. அறிவியலைத் தமிழால் ஆள வேண்டும் 
7. தமிழனின் பெருமைகளைக் கணினியில் புகுத்த வேண்டும் 
8. அறியாமையை அகற்றி, தமிழை எல்லாக் கோளிலும் நாட்ட வேண்டும்.
2. அறிவையும் உயிரினங்களையும் தொல்காப்பியர் எவ்வாறு தொடர்பு படுத்துகிறார்?
1. தொடு உணர்வு மட்டும் உள்ள உயிர்கள் ஓர் அறிவு கொண்டவை 
2. தொடு உணர்வுடன் சுவை உணர்வு கொண்டவை ஈரறிவு உயிர்கள் 
3. தொடுதல், சுவைத்தலுடன் நுகர்தல் கொண்டவை மூவறிவு உயிர்கள் 
4. தொடுதல், சுவைத்தல், நுகர்தலுடன் காணல் கொண்டவை நாலறிவு உயிர்கள் 
5. தொடுதல், சுவைத்தல், நுகர்தல், காணலுடன் கேட்கும் உணர்வு கொண்டவை ஐந்தறிவு உயிர்கள் 
6. தொடுதல், சுவைத்தல், நுகர்தல் கானல், கேட்டலுடன் பகுத்தறிவு கொண்டவை ஆறறிவு உயிர்கள்.
3. பள்ளி மாணவர்களுக்கான தமிழக அரசின் இணைய வழிச் சேவைகளை எழுதுக.
1. பள்ளிக்கல்வி முடித்த மாணவர்கள் கல்லூரிகளில் சேர இணைய வழியில் விண்ணப்பிக்கலாம் 
2. பள்ளிக் கட்டணங்களைக் இணைய வழியில் செலுத்தலாம் 
3. பிறப்புச் சான்றிதழ், சாதிச் சான்றிதழ், வருமானச் சான்றிதழ், இருப்பிடச் சான்றிதழ் போன்றவற்றை இணைய வழியிலேயே விண்ணப்பித்துப் பெறலாம்
4. NTSE, TRUST, NMMS போன்ற தேர்வுகளுக்கு இணைய வழியிலேயே விண்ணப்பிக்கலாம்.
4. மக்களின் வாழ்க்கைத்தரம் உயர்வதில் செயற்கைக்கோளின் பங்கு யாது?
1. திறன்பேசிகள், தானியக்கப் பண எந்திரம், அட்டை பயன்படுத்தும் எந்திரம் உள்ளிட்ட இணையவழிச் சேவைகள் அனைத்திற்கும் செயற்கைக்கோள்கள் அவசியம் தேவை 
2. புவியின் வளங்களை அளவிட்டுச் சொல்வதால், அரசு அதற்கேற்ற திட்டங்களைத் தீட்டிச் செயல்படுத்த முடிகிறது. இதன் மூலம் வாழ்க்கைத் தரம் உயர செயற்கைக்கோள்கள் உதவுகின்றன.
5. வல்லினம் இட்டும் நீக்கியும் எழுதுவதன் இன்றியமையாமையை எடுத்துக்காட்டுகளுடன் விளக்குக.
1. வல்லினம் மிக வேண்டிய இடத்தில் இடாமல் விடுவதாலும், வல்லினம் மிகாத இடத்தில் இடுவதாலும் பொருள் மயக்கம் உண்டாகிறது. இதனால் மொழியின் கட்டமைப்புச் சிதைந்து அழகு கெடுகிறது.
2. எடுத்துக்காட்டு:
1. கத்தி கொண்டு வந்தான். 
2. கத்திக் கொண்டு வந்தான்.
3. முதல் தொடரில் வல்லினம் மிகவில்லை. இத்தொடர் "ஒருவன் கத்தி என்னும் ஆயுதத்தை எடுத்து வந்தான்" என்னும் பொருளைத் தருகிறது. இரண்டாம் தொடரில் வல்லினம் மிகுந்துள்ளது. இத்தொடர் "ஒருவன் சத்தமாகப் பேசிக் கொண்டு வந்தான்" என்னும் பொருளைத் தருகிறது.

இயல் ஐந்து

1. சங்ககாலப் பெண்பாற் புலவர்களின் பெயர்களை எழுதுக.
1. ஔவையார் 
2. ஒக்கூர் மாசாத்தியார் 
3. ஆதிமந்தியார் 
4. வெண்ணிக்குயத்தியார் 
5. பொன்முடியார் 
6. அள்ளூர் நன்முல்லையார் 
7. நக்கண்ணையார் 
8. காக்கைப் பாடினியார் 
9. வெள்ளிவீதியார் 
10. காவற்பெண்டு 
11. நப்பசலையார்
2. சமைப்பது தாழ்வா? இன்பம் சமைக்கின்றார் சமையல் செய்வார்.
1. இன்பம் சமைப்பவர் யார்?
• சமையல் செய்பவர்.
2. பாவேந்தரின் கூற்றுப்படி சமைப்பது தாழ்வா?
• இல்லை.
3. விதைக்காமலேயே முளைக்கும் விதைகள்- இத்தொடரின் வழிச் சிறுபஞ்சமூலம் தெரிவிக்கும் கருத்துக்களை எழுதுக.
1. சில மரங்கள் பூப்பதில்லை; ஆனால் காய்ப்பது உண்டு 
2. சில விதைகளை விதைக்க வேண்டியதில்லை; தானாகவே முளைத்து வளரும் விதைகளும் உண்டு 
3. அதுபோலப் பிறர் உணர்த்தாமலேயே 'மேதையர் எதையும் தாமே உணர்ந்து கொள்வர்.
4. இன்றைய பெண்கல்வி என்னும் தலைப்பில் வில்லுப்பாட்டு வடிவில் பாடல் எழுதுக.

படிக்க வேண்டும் பெண்ணே- அப்பதான்

பார்முழுதும் போற்றிடும் கண்ணே 

சுயமாகச் சிந்திக்கத் துணையாகும் கல்வி 

சொந்த காலில் நின்றிடவே உடனுதவும் கல்வி

      5. மருத்துவர் முத்துலட்சுமியின் சாதனைகளைக் குறிப்பிடுக.

1. தமிழகத்தின் முதல் பெண் மருத்துவர் 
2. இந்தியப் பெண்கள் சங்கத்தின் முதல் தலைவர் 
3. சென்னை மாநகராட்சியின் முதல் துணை மேயர் 
4. சட்ட மேலவைக்குத் தேர்ந்தெடுக்கப்பட்ட முதல் பெண்மணி 
5. தேவதாசி ஒழிப்புச் சட்டம்,  சொத்துரிமைச் சட்டம், குழந்தைத் திருமணச் சட்டம் ஆகியவை நிறைவேறக் காரணமாக இருந்தவர் 
6. 1930இல் ஔவை இல்லம் தொடங்கியவர் 
7. 1952இல் புற்றுநோய் மருத்துவமனையை நிறுவியவர்.

   6. நீலாம்பிகை அம்மையாரது தமிழ்ப் பணியின் சிறப்பைக் குறித்து எழுதுக.

1. தனித்தமிழ்ப் பற்று உடையவர் 
2. தனது பெயரைக் 'கருப்பாயி' என மாற்றிக் கொண்டவர் 
3. தனித்தமிழ்க் கட்டுரை, வடசொல்- தமிழ் அகர வரிசை, முப்பெண்மணிகள் வரலாறு, பட்டினத்தார் பாராட்டிய மூவர் ஆகிய நூல்களை எழுதியுள்ளார்.

இயல் ஆறு

1. முழு உருவச் சிற்பங்கள் - புடைப்புச் சிற்பங்கள் இரண்டிற்கும் உள்ள வேறுபாடு யாது?
1. உருவத்தின் முன்பகுதியும் பின்பகுதியும் தெரியும்படி முழு உருவத்துடன் அமைக்கப்பட்டவை முழு உருவச் சிற்பங்கள் ஆகும்.
2. முன்பகுதி மட்டும் தெரியும் வகையில் கல்லில் செதுக்கப்படும் சிற்பங்கள் புடைப்புச் சிற்பங்கள் ஆகும்.
2. நாயக்கர் காலச் சிற்பங்களின் நுட்பங்கள் யாவை?
1. ஆடை ஆபரணங்கள் அணிந்த நிலையில் கலை நயத்துடன் காணப்படும் 
2. விழி ஓட்டம், புருவ நெளிவு, நக அமைப்பு போன்றவை மிகமிக நுட்பமான கலைநயத்துடன் காணப்படும்
3. இராவண காவியத்தில் இடம்பெற்ற இரண்டு உவமைகளை எடுத்துக்காட்டுக.
1. தூய ஒழுக்கமுடையோர் பசியால் வாடுவோரைக் கண்டதும், அவர்களின் பசியைப் போக்குவர். அதைப்போல, நெய்தல் நிலத்தவர் கடலில் மூழ்கி பவளங்களையும் முத்துகளையும் கடற்கரையில் மலைபோல் குவித்து வைத்தனர்.
2. தும்பியானது பெண்களின் முகத்தைத் தாமரைமலர் என்று எண்ணி அவர்களைப் பின்தொடரும். இக்காட்சி நிலவைப் பின்தொடரும் மேகத்தைப் போல உள்ளது.
4. ஆண்டாளின் கனவுக் காட்சிகளை எழுதுக.
1. ஆடும் இளம்பெண்கள் கைகளில் விளக்கையும் கலசத்தையும் ஏந்தி அழைக்க, புவி அதிர, கண்ணன் நடந்து வருகிறான் 
2. மங்கல இசைகள் முழங்க, சங்குகள் ஊத, முத்துமாலைகள் தொங்கும் பந்தலின் கீழ் கண்ணன் ஆண்டாளைத் திருமணம் செய்கிறான
5. குறிஞ்சி நிலம் மணப்பதற்கான நிகழ்வுகளைக் குறிப்பிடுக.
1. தீயில் இட்ட சந்தன மரக்குச்சிகள், அகில் இவற்றின் மணம் பரவுகிறது
2.  மலைநெல் சோற்றின் மணம் பரவுகிறது 
3. காந்தள் மலரின் மணம் பரவுகிறது.
4. இவை எல்லா இடங்களிலும் பரவி, குறிஞ்சி நிலம் முழுவதும் மணக்கிறது.
6. கைபிடி, கைப்பிடி -சொற்களின் பொருள் வேறுபாடுகளையும் அவற்றின் புணர்ச்சி வகைகளையும் எழுதுக.
1. கைபிடி-கையால் பிடி-இயல்புப் புணர்ச்சி
2. கைப்பிடி -ஒரு கை அளவு- விகாரப் புணர்ச்சி

இயல் 7

1. குறிப்பு வரைக -டோக்கியோ கேடட்ஸ்
1. இந்தியத் தேசிய இராணுவத்திலிருந்து நேதாஜியால் தேர்வு செய்யப்பட்டு, வான் படைத் தாக்குதலுக்கான சிறப்புப் பயிற்சி பெறுவதற்காக, இம்பீரியல் மிலிட்டரி அகடாமிக்கு அனுப்பப்பட்ட 45 பேர் கொண்ட பயிற்சிப் பிரிவுதான் டோக்கியோ கேடட்ஸ்
2. இப்பிரிவு பர்மாக்காடுகள் வழியாகப் பயணம் செய்து, சயான் மரண ரயில் பாதையைக் கடந்து, படகு வழியாக தப்பிச் சென்று, பழைய கப்பல் ஒன்றில் ஏறி, முடிவில் ஜப்பானின் கீயூசுத் தீவை அடைந்தது.
2. பனியிலும் மழையிலும் எல்லையைக் காக்கும் இந்திய வீரர்களின் பணியைப் பாராட்டி உங்கள் பள்ளிக் கையெழுத்து இதழுக்கு ஒரு துணுக்குச் செய்தி எழுதுக.
1. இந்திய இராணுவ வீரர்களின் பணி மிகவும் போற்றத்தக்கது 
2. காலை 5 மணிக்கு எழுந்து மூன்று கல் தூரம் ஓட வேண்டும் 
3. அப்போது குளிர், சுழியத்திற்குக் கீழ் இருக்கும் 
4. உதடுகள் வெடித்து வலி தாங்க முடியாது 
5. பனிப்புகை படர்ந்த மைதானத்தில் ஓடுவார்கள் 
6. ஐந்து நிமிடம் ஓய்வு. பிறகு சிறப்புப் பயிற்சிகள் 
7. அதை முடித்துக் கொண்டு அவசரமாய்க் குளித்துக்கொண்டு தயாராகி வர வேண்டும்.
3. "மாகால் எடுத்த முந்நீர் போல"-இடம் சுட்டிப் பொருள் விளக்குக.
1. இடம்: மாங்குடி மருதனார் பாடிய மதுரைக் காஞ்சியில் இடம்பெற்றுள்ளது.
2. விளக்கம்: மதுரை நகர வீதிகளில் பலமொழிகள் பேசுவோர் செல்கின்றனர். அவர்களின் பேச்சொலி, பெருங்காற்று புகுந்த கடல் ஒலி போல இருந்தது.
4. தற்குறிப்பேற்றணியை விளக்குக.
1. கவிஞர், செய்யுளில் தன் குறிப்பை ஏற்றிக்கூறுவது தற்குறிப்பேற்றணி ஆகும்
2. எ.கா.: "அள்ளல் பழனத்து அரக்காம்பல் வாயவிழ வெள்ளம் தீப்பட்டது என வெரீஇப் புள்ளினம் தம் கைச்சிறகால் பார்ப்பொடுக்கும்"
3. சிவந்த ஆம்பல் மலர்களைக் கண்ட நீர்ப்பறவைக்குஞ்சுகள், "தண்ணீர் தீப்பிடித்து விட்டது" எனக் கருதி அஞ்சியதாகக் கவிஞர் தம் குறிப்பை ஏற்றிக் கூறியுள்ளார்
5. சேர, சோழ, பாண்டிய நாட்டு வளங்களை முத்தொள்ளாயிரம் வழி விளக்குக.
1. சேர நாடு: வயல்களில் ஆம்பல் மலர்கள் மலர்ந்திருக்கும். அதைக் கண்டு, "வெள்ளம் தீப்பிடித்துவிட்டது" என்ற அஞ்சிய குஞ்சுகளை நீர்ப்பறவைகள் அரவணைக்கும்.
2. சோழ நாடு: அறுவடை செய்த உழவர்கள், நெற்போரின் மீது ஏறி நின்று காவல் காப்பர்.  அப்போது 'நாவலோ' என்று அழைப்பர். அது யானை மீது நின்று வீரன் அழைப்பது போன்று இருந்தது.
3. பாண்டியநாடு: சங்கு முட்டைகள், புன்னை மொட்டுகள், பாக்குமரம் சிந்திய பாளை மணிகள் ஆகியவை முத்துக்கள் போலிருந்தன.
6. ஏமாங்கத நாட்டில் எவையெல்லாம் ஆயிரக்கணக்கில் இருப்பதாகத் திருத்தக்கதேவர் பாடியுள்ளார்?
1. உணவு வகைகள் 
2. அறச்சாலைகள் 
3. மணிமாடங்கள் 
4. கம்மியர் 
5. திருமணங்கள் 
6. பாதுகாவலர்
7. பண்பாகு பெயர், தொழிலாகு பெயர் விளக்குக.
1. பண்பாகு பெயர்:
• வெள்ளை அடித்தான். இங்கு 'வெள்ளை' என்னும் பண்புப் பெயர், 'சுண்ணாம்பு' என்னும் பொருளுக்கு ஆகி வந்துள்ளது.
2. தொழிலாகு பெயர்:
• பொங்கல் உண்டான். இங்குப் 'பொங்கல்' என்னும் தொழிற்பெயர், பொங்குதலால் உண்டான உணவுப் பொருளுக்கு ஆகி வந்துள்ளது.

இயல் 8

1. சிக்கனம் குறித்த பெரியாரின் கருத்துக்களை இன்றைய நடைமுறையோடு தொடர்புபடுத்தி எழுதுக.
1. தேவையற்ற சடங்குகளைத் தவிர்க்க வேண்டும்
2. திருமணம் போன்ற விழாக்களை எளிமையாக நடத்த வேண்டும்
3. ஆனால் இன்றைய காலத்தில் வெறும் பகட்டிற்காக நிறையச் செலவு செய்து இல்ல விழாக்கள் கொண்டாடப்படுகின்றன. 
4. அதில் அதிகமாக உணவுகள் வீணாக்கப்படுவதோடு சுற்றுச்சூழலும் மாசுபடுத்தப்படுகிறது.
2. நாம் கடைப்பிடிக்க வேண்டிய வாழ்க்கை நெறிகளாக யசோதரகாவியம் குறிப்பிடுவன யாவை?
1. நற்செயல் செய்ய வேண்டும்
2. சினத்தை நீக்க வேண்டும்
3. மெய்யறிவு நூல்களை ஆராய வேண்டும்
4. நன்னெறியினைக் கடைபிடிக்க வேண்டும்
3. பிறமொழி இலக்கியங்களைத் தழுவி எழுதப்பட்ட தமிழ் இலக்கியங்களைக் குறிப்பிடுக.
1. சீவகசிந்தாமணி 
2. வளையாபதி 
3. குண்டலகேசி 
4. யசோதர காவியம் 
5. நாககுமார காவியம் 
6. உதயணக்குமார காவியம் 
7. பெருங்கதை 
8. கம்பராமாயணம்
4. யசோதர காவியம் வெளிப்படுத்தும் வாழ்க்கை நெறிகளைத் திருக்குறளுடன் ஒப்பிட்டு எழுதுக.
1. ஆக்குவது ஏதெனில் அறத்தை ஆக்குக-அன்றறிவாம் எண்ணாது அறம் செய்க.
2. நோக்குவது ஏதெனில் ஞானம் நோக்குக-மெய்ப்பொருள் காண்பது அறிவு
3. போக்குவது ஏதெனில் வெகுளி போக்குக-மறத்தல் வெகுளியை யார்மாட்டும் ...
4. காக்குவது ஏதெனில் விரதம் காக்கவே-செய்தவம் ஈண்டு முயலப்படும்

இயல் 9

1. உலக இலக்கியத்தில் காண இயலாத அரிய கருத்துகளாக ஆல்பர்ட் சுவைட்சர் குறிப்பிடுவன யாவை?
• திருக்குறள் போன்ற உயர்ந்த கொள்கைகளைக் கொண்ட செய்யுள்களை உலக இலக்கியத்திலேயே காண்பது அரிது 
2. கோர்டன் ஆல்போர்ட் கூறும் மூன்று இலக்கணங்களைக் குறிப்பிடுக.
1. மனிதன் தன் ஈடுபாடுகளை விரிவாக வளர்த்தல்
2. தன்னை அறிந்து கொள்ளும் ஆற்றல் பெறுதல்
3. தனது வாழ்க்கைக்கு ஓர்மையைத் தரும் வாழ்க்கைத் தத்துவத்தைக் கடைப்பிடித்து நடத்தல்
3. பழங்களை விடவும் நசுங்கிப் போனது- இடம் சுட்டிப் பொருள் விளக்கம் தருக.
1. இடம்: கல்யாண்ஜியின் 'அக்கறை' என்னும் கவிதையில் இடம்பெற்றுள்ளது.
2. விளக்கம்: தக்காளிக் கூடை சரிந்து உருண்டதைக் கண்டும் காணாமல், தலைக்கு மேலே வேலை இருப்பதாய்க் கூறி, அக்கறையின்றி, அனைவரும் கடந்து போயினர்.
4. மணல் விளையாட்டு என்னும் தலைப்பில் சிறு கவிதை படைக்க.

மழலை ஒன்று மணலை அள்ளிக் 

குவியல் இட்டு வைத்தது 

கடலும் அதனைப் பார்க்க எண்ணி 

அலையை அனுப்பி வைத்தது 

ஆசையுடன் முத்தமிட்டு 

அலை வந்து அள்ளிச் சென்றது

      5. "யா" மரத்தின் பட்டையை உரித்தது எது? எதற்காக? விளக்குக.

• பெண் யானையின் பசியைப் போக்க ஆண் யானை 'யா' மரத்தின் பட்டையை உரித்து, அதில் உள்ள நீரைப் பருகச் செய்து, தன் அன்பை வெளிப்படுத்தியது.

6. உருவக அணியை எடுத்துக்காட்டுடன் எழுதுக

1. உவமையின் தன்மையினைப் பொருள் மேல் ஏற்றிக் கூறுவது உருவக அணி ஆகும்.
2. "இன்சொல் விளைநிலமா ஈதலே வித்தாக"
3. இப்பாடலில் இன்சொல்- நிலமாகவும், ஈகை- விதையாகவும் உருவகப்படுத்தப்பட்டுள்ளது. 

 

 

 

2 Marks

 1. நீங்கள் பேசும் மொழி எந்த இந்திய மொழிக் குடும்பத்தைச் சார்ந்தது?

• நான் பேசும் மொழி தமிழ்.

• இது திராவிட மொழிக் குடும்பத்தைச் சார்ந்தது.

2. தமிழோவியம் கவிதையில் உங்களை மிகவும் ஈர்த்த அடிகள் குறித்து எழுதுக.

“மானிட மேன்மையைச் சாதித்திட குறள் மட்டுமே போதுமே ஓதி நட” என்ற அடிகள் என்னை மிகவும் ஈர்த்தன.

 

3. கண்ணி என்பதன் விளக்கம் யாது?

எதுகையால் தொடுக்கப்படும் இரண்டடிப் பாடலுக்குக் ‘கண்ணி’ என்று பெயர்.

 

4. அகமாய்ப் புறமாய் இலக்கியங்கள் - அவை அமைந்ததைச் சொல்லும் இலக்கணங்கள். இலக்கியங்களின் பாடு பொருள்களாக இவ்வடிகள் உணர்த்துவன யாவை?

• அகப்பொருள்

• புறப்பொருள்

 

5. செய்வினையை செய்ப்பாட்டு வினையாக மாற்றும் துணை வினைகள் இரண்டினை எடுத்துக்காட்டுடன் எழுதுக

1. தோசை வைக்கப்பட்டது-படு

2. கோவலன் கொலையுண்டான்-உண்

 

6. கணினி சார்ந்து நீங்கள் அறிந்த எவையேனும் ஐந்து தமிழ்ச் சொற்களைத் தருக

1. மென்பொருள்

2. உலவி

3. செதுக்கி

4. சுட்டி

5. இணைய வெளி

 

7. வீணையோடு வந்தாள், கிளியே பேசு- தொடரின் வகைகளை சுட்டுக.

1. வீணையோடு வந்தாள்-வேற்றுமை தொடர்

2. கிளியே பேசு-விளித்தொடர்

 

8. ‘கூவல்’ என்று அழைக்கப்படுவது எது?

 உவர்மண் நிலத்தில் தோண்டப்படும் நீர்நிலை

 

9. உங்களது பள்ளியைச் சுற்றியுள்ள நீர் நிலைகளின் பெயர்களைக் குறிப்பிடுக.

1. குளம்

2. கண்மாய்

3. ஓடை

4. கிணறு

 

10. உண்டி கொடுத்தோர் உயிர் கொடுத்தோரே- குறிப்புத் தருக.

புறநானூற்றில் குடபுலவியனார், பாண்டியன் நெடுஞ்செழியனுக்கு “உண்டி கொடுத்தோர் உயிர் கொடுத்தோரே” என்று அறிவுரை கூறுகிறார்.

 

11. நிலையான வானத்தில் தோன்றி மறையும் வானவில் காட்சிக்கு பெரிய புராணம் எதனை ஒப்பிடுகிறது?

வாளை மீன்கள் துள்ளி எழுந்து, அருகில் உள்ள பாக்கு மரங்களில் மீது பாயும் காட்சி வானவில்லைப் போல இருந்தது.

 

12. மணிநீரும் மண்ணும் மலையும் அணி நிழல் காடும் உடையது அரண். இக்குறள் கூறும் நாட்டின் அரண்கள் யாவை?

1. நீர் நிலைகள்

2. நிலப்பகுதி

3. மலைகள்

4. அடர்ந்த காடுகள்

 

13. நீங்கள் வாழும் பகுதியில் ஏறுதழுவுதல் எவ்வாறெல்லாம் அழைக்கப்படுகிறது?

1. ஜல்லிக்கட்டு

2. மஞ்சுவிரட்டு

3. மாடு பிடித்தல்

 

14. தொல்லியல் சான்றுகள் காணப்படும் இடங்களை அகழாய்வு செய்ய வேண்டும். ஏன்?

அகழாய்வு மூலம் பழந்தமிழரின் பண்பாட்டை, அறிவியலை, வரலாற்றை அறிய முடியும் என்பதால் அகழாய்வு செய்யப்பட வேண்டும்.

 

15. ஏறுதழுவுதல் நிகழ்விற்கு இலக்கியங்கள் காட்டும் வேறுபெயர்களைக் குறிப்பிடுக.

1. கண்ணுடையம்மன் பள்ளு ‘எருதுகட்டி’ என்கிறது.

2. கலித்தொகை, சிலப்பதிகாரம், புறப்பொருள்வெண்பாமாலை ஆகிய நூல்கள் ‘ஏறுகோள்’ என்று குறிப்பிடுகின்றன.

 

16. பழமணல் மாற்றமின்; புதுமணல் பரப்புமின்- இடஞ்சுட்டிப் பொருள் விளக்குக.

1. இடம்: மணிமேகலை- விழாவறை காதை

2. பொருள் விளக்கம்: இந்திர விழாவை முன்னிட்டு தெருக்களிலும் மன்றங்களிலும் பழமணலை மாற்றிவிட்டு புது மணலைப் பரப்புமாறு முரசறைவோன் அறிவிக்கிறான்.

 

17. ஏறுதழுவுதல் குறித்துத் தொல்லியல் சான்றுகள் கிடைத்த இடங்களைப் பட்டியலிடுக.

1. கருவந்துறை-சேலம்

2. கரிக்கையூர்-நகல்

3. கல்லூத்து மேட்டுப்பட்டி- மதுரை

4. சித்திரக்கல் புடவு-தேனி

 

18. கூட்டுப் புழுவை எடுத்துக்காட்டி கவிஞர் உணர்த்தும் கருத்துக்களை எழுதுக.

1. கூட்டுப்புழுதான் பட்டுப்பூச்சியாகும்.

2. எனவே, பொறுமை அடக்கத்தை மீறக்கூடாது.

 

19. இணைய வழியில் இயங்கும் மின்னணு இயந்திரங்கள் எவையேனும் ஐந்தினைக் குறிப்பிடுக.

1. தானியங்கிப் பண எந்திரம்

2. அட்டை தேய்ப்பு இயந்திரம்

3. திறனட்டைக் கருவி

4. ஆளறிச் சோதனைக் கருவி

5. வங்கிக் கணக்கு அச்சுப்பொறி

 

20. மூன்று அறிவதுவே அவற்றோடு மூக்கே

நான்கு அறிவதுவே அவற்றோடு கண்ணே

ஐந்தறிவதுவே அவற்றோடு செவியே

-இவ்வடிகளில் தொல்காப்பியர் குறிப்பிடும் மூவறிவு, நாலறிவு, ஐந்தறிவு உயிர்கள் யாவை?

• மூவறிவு-எறும்பு கரையான் போன்றவை

• நாலறிவு- நண்டு, தும்பி போன்றவை.

• ஐந்தறிவு- பறவை, விலங்குகள்

 

21. செயற்கைக்கோள் ஏவு ஊர்தியில் பொருத்தும் செயலியைப் பற்றித் திரு. சிவன் கூறுவது யாது?

1. செயற்கைக்கோள் ஏவு ஊர்தி பற்றிய முழு விவரங்களையும் மின்னிலக்க முறையில் சேகரிக்கும்.

2. அதைப் பயன்படுத்தி வாகனத்தின் செயல்பாடு எப்படி இருக்கும் என்பதை முன்கூட்டியே கணிக்கலாம்.

 

22. நிலம் போல யாரிடம் பொறுமை காக்க வேண்டும்?

தம்மை இகழ்பவரிடம் நிலம் போலப் பொறுமை காக்க வேண்டும்

 

23. தீயவை தீய பயத்தலால் தீயவை தீயினும் அஞ்சப்படும்-இக்குறட்பாவின் கருத்தை விளக்குக.

தீயவை தீயவற்றையே தருவதால், அவற்றை தீயை விடக் கொடியதாகக் கருதி, தீய செயல்களைச் செய்வதற்கு அஞ்ச வேண்டும்.

 

24. ஒற்றொற்றித் தந்த பொருளையும் மற்றுமோர் ஒற்றினால் ஒற்றிக் கொளல்-இக்குறட்பாவில் அமைந்துள்ள நயங்களை எடுத்து எழுதுக.

1. மோனை

i. ஒற்றொற்றித்

ii. ஒற்றினால்

2. எதுகை

i. ஒற்றொற்றித்

ii. ஒற்றினால்

 

25. கனவிலும் இனிக்காதது எவர் நட்பு?

சொல்வேறு, செயல்வேறு என்று இருப்பவரின் நட்பு கனவிலும் இனிக்காது.

 

26. தலைவியின் பேச்சில் வெளிப்படுகின்ற பாடுபொருள் எது?

பெண் கல்வி பெறுதல்

 

27. மூவாது மூத்தவர் நூல் வல்லார் -இத்தொடர் உணர்த்தும் பொருளைக் குறிப்பிடுக.

வயதில் இளையவராக இருந்தாலும், நன்மை தீமைகளை நன்குணர்ந்தவர், மூத்தவரோடு வைத்து எண்ணத்தக்கவர் ஆவார்.

 

28. நீங்கள் மிகவும் விரும்பி படித்த நூல்கள் எவை?

1. திருக்குறள்

2. புறநானூறு

3. நாலடியார்

4. கம்பராமாயணம்

 

29. சாரதா சட்டம் எதற்காக இயற்றப்பட்டது?

குழந்தை திருமணத்தை ஒழிப்பதற்காக சாரதா சட்டம் இயற்றப்பட்டது.

 

30. செப்பு திருமேனிகள் பற்றிக் குறிப்பு வரைக.

சோழர் காலம் செப்புத் திருமேனிகளின் பொற்காலம் என்று அழைக்கப்படுகிறது.

 

31. நடுகல் என்றால் என்ன?

போரில் விழுப்புண்பட்டு இறந்தவருக்கு நடப்படும் கல்லே நடுகல் ஆகும்.

 

32. இசைத்தூண்கள் யார் காலத்தில் அமைக்கப்பட்டது?

இசைத்தூண்கள் விஜயநகர மன்னர் காலத்தில் அமைக்கப்பட்டது.

 

33. கண்ணன் புகுந்த பந்தல் எவ்வாறு இருந்தது?

கண்ணன் புகுந்த பந்தலில் முத்து மாலைகள் தொங்கவிடப்பட்டிருந்தது.

 

34. இடிகுரல், பெருங்கடல் இலக்கணக்குறிப்புத் தருக.

1. இடிகுரல் -உவமைத்தொகை

2. பெருங்கடல்- பண்புத்தொகை

 

35. பாலை நிலத்தில் பருந்துகள் பறந்ததன் காரணம் என்ன?

பாலைக்காயை சிறுவர்கள் அடித்து விளையாடும் ஓசையைக் கேட்டு அஞ்சிப் பருந்துகள் பறந்தன.

 

36. இறக்கும் வரை உள்ள நோய் எது?

சொன்னாலும் செய்யாமல் தானாகவும் செய்யாமல் இருப்பவனின் உயிர், இறக்கும் வரை உள்ள நோய் போன்றது.

 

37. அன்பு, நாண், ஒப்புரவு, கண்ணோட்டம், வாய்மையொடு ஐந்து சால்பு ஊன்றிய தூண்- இக்குறட்பாவில் பயின்று வரும் அணியை விளக்கி எழுதுக.

அன்பு, நாண், ஒப்புரவு, கண்ணோட்டம், வாய்மை ஆகிய குணங்களையும் சான்றாண்மையைத் தாங்கும் தூண்களாக உருவகப்படுத்தி, சான்றாண்மையை வீடாகவோ அல்லது கட்டிடமாகவோ உருவகப்படுத்தாமல் விட்டுவிட்டதால், இஃது ஏகதேச உருவக அணி ஆகும்.

 

38. உலகத்திற்கு அச்சாணியாய் இருப்பவர் யார்? ஏன்?

1. உலகத்திற்கு அச்சாணியாய் இருப்பவர் உழவர்

2. மற்ற தொழில் செய்பவரை உழவரே தாங்கி நிற்கின்றார்.

 

39. காணாதான் காட்டுவான் தான்காணான் காணாதான் கண்டானாம் தான் கண்டவாறு-இக்குறட்பாவில் பயின்று வரும் தொடை நயத்தை விளக்குக.

1. மோனை

i. காணாதான்

ii. கண்டானாம்

2. எதுகை

i. காணாதான்

ii. காணாதான்

 

40. இந்தியத் தேசிய இராணுவத்தில் குறிப்பிடத்தகுந்த தமிழக வீரர்கள் யாவர்?

1. ஜானகி

2. ராஜாமணி

3. கேப்டன் தாசன்

4. கேப்டன் லட்சுமி

5. லோகநாதன்

 

41. தாய் நாட்டுக்காக உழைக்க விரும்பினால் எப்பணியைத் தேர்ந்தெடுப்பீர்கள்? ஏன்?

1. இந்திய இராணுவப் பணியைத் தேர்ந்தெடுப்பேன்

2. தாய்நாட்டிற்குச் சேவையாற்ற விரும்புகிறேன்.

 

42. மதுரைக்காஞ்சி-பெயர்க் காரணத்தை குறிப்பிடுக.

1. மதுரையின் சிறப்புகளைப் பாடுவதாலும்

2. நிலையாமையைப் பற்றிப் பாடுவதாலும் மதுரைக்காஞ்சி எனப் பெயர் பெற்றது.

 

43. உங்கள் ஊரில் உற்பத்தியாகும் பொருள்களையும், சந்தையில் காணும் பொருட்களையும் ஒப்பிட்டு எழுதுக.

1. எங்கள் ஊரில் உற்பத்தியாகும் பொருள்கள்:

i. பட்டாசு

ii. தானியங்கள்

iii. காய்கறிகள்

2. சந்தையில் காணும் பொருள்கள்:

i. பருப்பு வகைகள்

ii. பாத்திரங்கள்

iii. காய்கறிகள்

 

44. கருக்கொண்ட பச்சைச்பாம்பு எதற்கு உவமையாக்கப்பட்டுள்ளது?

கருக்கொண்ட பச்சைப் பாம்பு, பால் பிடித்த நெற்பயிருக்கு உவமையாக்கப்பட்டுள்ளது.

 

45. அள்ளல் பழனத்து அரக்காம்பல் வாயவிழ- இவ்வடியில் சேற்றையும் வயலையும் குறிக்கும் சொற்கள் யாவை?

1. சேறு-அள்ளல்

2. வயல்-பழனம்

 

46. டெல்லி நோக்கிச் செல்லுங்கள் -என்ற முழக்கம் யாரால் எப்போது செய்யப்பட்டது?

டெல்லி நோக்கி செல்லுங்கள் என்ற முழக்கம் நேதாஜியால் 1943 ஜூலை 9 இல் செய்யப்பட்டது.

 

47. பகுத்தறிவு என்றால் என்ன?

ஏன்? எதற்கு? எப்படி? என்று வினாக்களை எழுப்பி, அறிவியல் அடிப்படையில் சிந்தித்து முடிவெடுப்பது பகுத்தறிவாகும்.

 

48. தாவோ தேசிங் இன்னொரு பக்கம் என்று எதைக் குறிப்பிடுகிறது?

தாவோ தேஜிங் இன்னொரு பக்கம் என்று ‘இருத்தலின்மையைக்’ குறிப்பிடுகிறது.

 

49. கமுகுமரம் எதைத் தேடியது?

கமுகுமரம் ஒளியாகிய உயிர்ப்பைத் தேடியது.

 

50. யசோதர காவியத்தின் பாட்டுடைத் தலைவன் யார்?

யசோதரன் என்னும் அவந்தி நாட்டு மன்னன்.

 

51. அசை எத்தனை வகைப்படும்? அவை யாவை?

1. அசை இரண்டு வகைப்படும். அவை,

i. நேரசை

ii. நிரையசை

 

52. தமிழ்ச் சான்றோருக்கும் உரோமையச் சான்றோருக்கும் உள்ள வேறுபாடு யாது?

1. தமிழ்ச் சான்றோர் “ஒன்றே உலகம்” என்ற பார்வையில் எழுதினர்.

2. உரோமையச் சான்றோர், உரோமையரைக் கருதியே எழுதினார்.

 

53. பிடிபசி களைஇய பெருங்கை வேழம்- இவ்வடியில் உள்ள இலக்கணக்குறிப்புகளைக் கண்டறிக.

1. பிடிபசி-வேற்றுமைத்தொகை

2. களைஇய- சொல்லிசை அளபெடை

3. பெருங்கை- பண்புத்தொகை

 

54. குறுந்தொகை -பெயர்க்காரணம் தருக.

குறுகிய அடிகளை (4 முதல் 8 அடி) உடையதால் குறுந்தொகை எனப்பட்டது.

55. நினைத்தேன் கவித்தேன் படைத்தேன் சுவைத்தேன்- இத்தொடரில் அமைந்துள்ள உருவகத்தைக் கண்டறிக.

கவி ஆகிய தேன் (உருவகம்)

யசோதர காவியம் -திருக்குறள்

ஆக்குவது ஏதெனில் அறத்தை ஆக்குக-அன்றறிவாம் எண்ணாது அறம் செய்க.

நோக்குவது ஏதெனில் ஞானம் நோக்குக-மெய்ப்பொருள் காண்பது அறிவு

போக்குவது ஏதெனில் வெகுளி போக்குக-மறத்தல் வெகுளியை யார்மாட்டும் ...

காக்குவது ஏதெனில் விரதம் காக்கவே-செய்தவம் ஈண்டு முயலப்படும்

மணல் விளையாட்டு

 

மணல் விளையாட்டு

மணலில் அணை கட்டிக்

கண்முன்னே வித்தை காட்டிக்

காய் ஒன்றை மறைத்து வைத்துச்

சொக்கட்டான் ஆடுகையில்

கிசுகிசுக்கும் விரல்களின்

துழாவலில் நட்பு நீளும்..!