இயல் 1
கற்கண்டு
தொடர் இலக்கணம்
குறுவினா
1) செய்வினையைச் செயப்பாட்டு வினையாக மாற்றும் துணை வினைகள் இரண்டினை எடுத்துக்காட்டுடன் எழுதுக
செய்வினையைச் செயப்பாட்டு வினையாக மாற்றும் துணைவினைகள்:
அ) உண்- கோவலன் கொலையுண்டான்.
ஆ) ஆயிற்று- வீடு கட்டியாயிற்று
இ) போயிற்று- சட்டி உடைந்து போயிற்று
ஈ) போனது- பணம் காணாமல் போனது
உ) பெறு - குமரன் வாழ்த்துப் பெற்றான்
(ஏதேனும் இரண்டு எடுத்துக்காட்டுகள் எழுதினால் போதுமானது)
2) வீணையோடு வந்தாள், கிளியே பேசு- தொடரின் வகைகளைச் சுட்டுக.
அ) வீணையோடு வந்தாள்- (ஓடு) மூன்றாம் வேற்றுமைத் தொடர்.
ஆ) கிளியே பேசு- (கிளியே) விளித்தொடர்
சிறு வினா
தன்வினை, பிறவினை- எடுத்துக்காட்டுகளுடன் வேறுபடுத்திக் காட்டுக.
தன்வினை
அ) எழுவாய் ஒரு வினையைச் செய்தால் அது தன்வினை.
ஆ) (எ.கா.) அவன் திருந்தினான்.
பிறவினை
அ) எழுவாய் ஒரு வினையைச் செய்ய வைத்தால் அது பிறவினை
ஆ) வி, பி போன்ற விகுதிகளைக் கொண்டும் செய், வை, பண்ணு போன்ற துணை வினைகளை இணைத்தும் உருவாக்கப்படுகின்றன.
இ) (எ.கா.) அவன் திருந்தச் செய்தான்.
கற்பவை கற்றபின்....
1) தொடர்களை மாற்றி உருவாக்குக.
அ) பதவியை விட்டு நீக்கினான்- இத்தொடரைத் தன்வினைத் தொடராக மாற்றுக.
தன்வினைத் தொடர்- பதவியை விட்டு நீங்கினான்.
ஆ) மொழியியல் அறிஞர்கள் திராவிட மொழிகளை ஆய்வு செய்தனர்- இத்தொடரைப் பிறவினைத் தொடராக மாற்றுக.
பிறவினைத் தொடர்- மொழியியல் அறிஞர்கள் திராவிட மொழிகளை ஆய்வு செய்வித்தனர்.
இ) உண்ணப்படும் தமிழ்த்தேனே- இத்தொடரைச் செய்வினைத் தொடராக மாற்றுக.
செய்வினைத் தொடர்- தமிழ்த்தேனை உண்ணுவர்.
விளக்கம்:
உண்ணப்படும் தமிழ்த்தேனே.
இதில், எழுவாய்- புலவர்கள் (தோன்றா எழுவாய்),
செயப்படுபொருள்- தமிழ்த்தேனை; ('தமிழ்த்தேனே'-இதில் விளி உருபு 'ஏகாரம்' நீக்கப்பட வேண்டும். 'தமிழ்த்தேன்' - செயப்படுபொருள் ஆதலால் இரண்டாம் வேற்றுமை உருபு'ஐ' சேர்க்கப்பட வேண்டும். தமிழ்த்தேன்+ஐ=தமிழ்த்தேனை)
பயனிலை- உண்ணுவர் (எழுவாயின் பயன் நிலைபெற்று நிற்கும் இடம் - வினைச்சொல்- ' உண்'. ' உண்' உடன் எதிர்கால இடைநிலையும் பலர்பால் விகுதியும் சேர்க்கப்பட வேண்டும்--> உண்+வ்+அர்--->உண்ணுவர்)
ஈ) திராவிட மொழிகளை மூன்று மொழிக் குடும்பங்களாகப் பகுத்துள்ளனர்- இத்தொடரைச் செயப்பாட்டுவினைத் தொடராக மாற்றுக.
செயப்பாட்டு வினைத் தொடர்- திராவிட மொழிகள் மூன்று மொழிக் குடும்பங்களாகப் பகுக்கப்பட்டுள்ளது.
உ) நிலவன் சிறந்த பள்ளியில் படித்தார்- இத்தொடரைப் பிறவினைத் தொடராக மாற்றுக
பிறவினைத் தொடர்- நிலவன் சிறந்த பள்ளியில் படிக்க வைத்தார்.
2) சொற்களைத் தொடர்களாக மாற்றுக.
அ) மொழிபெயர்- தன்வினை, பிறவினைத் தொடர்களாக.
தன்வினை- மொழிபெயர்த்தார்
பிறவினை- மொழிபெயர்க்கச் செய்தார்.
ஆ) பதிவு செய்- செய்வினை, செயப்பாட்டுவினைத் தொடர்களாக.
செய்வினை- பதிவு செய்தான்.
செயப்பாட்டுவினை- பதிவு செய்யப்பட்டது.
இ) பயன்படுத்து- தன்வினை, பிறவினைத் தொடர்களாக.
தன்வினை- பயன்படுத்தினான்.
பிறவினை- பயன்படுத்தச் செய்தான்.
ஈ) இயங்கு- செய்வினை, செயப்பாட்டுவினைத் தொடர்களாக.
செய்வினை- இயங்கியது
பிறவினை- இயக்கப்பட்டது.
3) பொருத்தமான செயப்படுபொருள் சொற்களை எழுதுக.
(தமிழ் இலக்கிய நூல்களை, செவ்விலக்கியங்களை, நம்மை, வாழ்வியல் அறிவைக்)
அ) தமிழ் ________ கொண்டுள்ளது.
ஆ) நாம் ________வாங்க வேண்டும்.
இ) புத்தகங்கள்________கொடுக்கின்றன.
ஈ) நல்ல நூல்கள்_______நல்வழிப் படுத்துகின்றன
விடை:
அ) தமிழ் செவ்விலக்கியங்களைக் கொண்டுள்ளது.
ஆ) நாம் தமிழ் இலக்கிய நூல்களை வாங்க வேண்டும்
இ) புத்தகங்கள் வாழ்வியல் அறிவைக் கொடுக்கின்றன.
ஈ) நல்ல புத்தகங்கள் நம்மை நல்வழிப் படுத்துகின்றன.
4) பொருத்தமான பெயரடைகளை எழுதுக.
(நல்ல, பெரிய, இனிய, கொடிய)
அ) எல்லோருக்கும்________வணக்கம்.
ஆ) அவன்________நண்பனாக இருக்கிறான்.
இ) ________ஓவியமாக வரைந்து வா.
ஈ) __________விலங்கிடம் பழகாதே.
விடை:
அ) எல்லோருக்கும் இனிய வணக்கம்.
ஆ) அவன் நல்ல நண்பனாக இருக்கிறான்.
இ) பெரிய ஓவியமாக வரைந்து வா.
ஈ) கொடிய விலங்கிடம் பழகாதே.
5) பொருத்தமான வினையடைகளைத் தேர்வு செய்க.
(அழகாக, பொதுவாக, வேகமாக, மெதுவாக)
அ) ஊர்தி________சென்றது.
ஆ) காலம்_______ஓடுகிறது.
இ) சங்க இலக்கியம் வாழ்க்கையை________காட்டுகிறது.
ஈ) இணையத்தளத்தில் இருந்து பதிவிறக்கம் செய்யப்பட்டதை அனைவருக்கும்________காட்டு.
விடை:
அ) ஊர்தி வேகமாகச் சென்றது.
ஆ) காலம் மெதுவாக ஓடுகிறது.
இ) சங்க இலக்கியம் வாழ்க்கையை அழகாக காட்டுகிறது.
ஈ) இணையத் தளத்திலிருந்து பதிவிறக்கம் செய்யப்பட்டதை அனைவருக்கும் பொதுவாகக் காட்டு.
6. அடைப்புக்குறிக்குள் கேட்டுள்ளவாறு தொடர்களை மாற்றி எழுதுக.
அ) நம் முன்னோர் இயற்கையோடு இயைந்த வாழ்வு நடத்தினர். (வினாத் தொடராக)
நம் முன்னோர் எத்தகைய வாழ்வு நடத்தினர்?
நம் முன்னோர் இயற்கையோடு இயைந்த வாழ்வு நடத்தினாரா?
ஆ) இசையின்றி அமையாது பாடல். (உடன்பாட்டுத் தொடராக)
இசையோடு அமைவது பாடல்.
இ) நீ இதைச் செய் எனக் கூறினேன் அல்லவா? (கட்டளைத் தொடராக)
நீ இதைச் செய்.
7) வேர்ச் சொற்களை வைத்துச் சொற்றொடர்களை உருவாக்குக.
அ) தா (உடன்பாட்டு வினைத்தொடர், பிறவினைத் தொடர்)
தந்தேன், தருவித்தேன்
ஆ) கேள் (வினாத்தொடர்)
கேட்பாயா?
இ) கொடு ( செய்தித்தொடர், கட்டளைத் தொடர்)
பேகன் மயிலுக்குப் போர்வை கொடுத்தான்.
பசித்தோர்க்கு உணவுகொடு.
ஈ) பார் (செய்வினைத் தொடர், செயப்பாட்டு வினைத்தொடர், பிறவினைத் தொடர்)
பார்த்தான், பார்க்கப்பட்டது, பார்க்கச் செய்தான்
8) சிந்தனை வினா
அ) அவை யாவும் இருக்கின்றன
ஆ) அவை யாவையும் இருக்கின்றன.
இ) அவை யாவும் எடுங்கள்
ஈ) அவை யாவையும் எடுங்கள்
உ) அவை யாவற்றையும் எடுங்கள்.
மேற்கண்ட சொற்றொடர்கள் சரியானவையா? விளக்கம் தருக.
அ) அவை யாவும் இருக்கின்றன.
அவை- பன்மை; யாவும்- ஒருமை; இருக்கின்றன- பன்மை
அவை இருக்கின்றன- என்பதுதான் சரியான தொடர்.(யாவும்- என்பது ஒருமையாதலால் பிழையான தொடராயிற்று)
அவை யாவையும் இருக்கின்றன.
அவை- பன்மை; யாவையும்- பன்மை; இருக்கின்றன- பன்மை= இது சரியான தொடர்.
அவை யாவும் எடுங்கள்-
அவை- பன்மை; யாவும்- ஒருமை; எடுங்கள்- பன்மை( உயர்வு கருதி பெரியோரை ஒருமையாக இருந்தபோதிலும் பன்மைக்குரிய ' கள்' விகுதி சேர்த்துக் கூறுவதுமுண்டு)- அவை யாவையும்
ஆ) நீங்கள் ஒரு நாளிதழில் பணிபுரிகிறார்கள். அங்குப் புதிய வார இதழ் ஒன்று தொடங்க விருக்கிறார்கள். அதற்காக அந்நாளிதழில் விளம்பரம் தருவதற்குப் பொருத்தமான சொற்றொடர்களை வடிவமைத்து எழுதுக.
