அகழாய்வு (பட்டிமன்றம்)

 அகழாய்வுகள் (பட்டிமன்றம்)

இயல் 3

குறுவினா

தொல்லியல் சான்றுகள் காணப்படும் இடங்களை அகழாய்வு செய்ய வேண்டும். ஏன்?

அகழாய்வு அவசியமான செயல்பாடு:

அ) அகழாய்வு செய்வதன் மூலம் கிடைக்கும் பொருள்கள், பண்பாட்டு அளவில் சிறந்த வாழ்வை வெளிப்படுத்திய தமிழர்களின் வரலாற்றை அறிந்துகொள்ள உதவுகின்றன.

ஆ) தமிழ்ச்சிந்தனையைப் புரிந்துகொள்ளவும், தமிழர்தம் பண்பாட்டை இன்றைய தலைமுறைக்கு எடுத்துக்காட்டவும் அகழாய்வு துணைசெய்கிறது.

சிறு வினா

வியத்தகு அறிவியல் விரவிக் கிடக்கும் நிலையில் அகழாய்வின் தேவை குறித்த உங்களது கருத்துகளைத் தொகுத்துரைக்க.

அகழாய்வின் தேவை குறித்த எனது கருத்துகள்:

அ) அகழாய்வு செய்வதன் மூலம் கிடைக்கும் பொருள்களைக் கொண்டு, நம் முன்னோர் வாழ்ந்த காலத்தை அறுதியிட்டு கூற முடியும்.

ஆ) அவர்கள் பயன்படுத்திய பொருள்களைக் கொண்டு, அவர்களின் வாழ்க்கை முறைகளை ஊகித்தறிய முடியும். 

இ) இலக்கியச் சான்றுகளையும் தொல்பொருள் சான்றுகளையும் ஒப்பிட்டு அவர்களின் பண்பாட்டை உய்த்துணர முடியும்.

ஈ) முன்னோர்களின் சிந்தனைகளை உணரவும், அவற்றை இன்றைய தலைமுறைக்கு எடுத்துக்காட்டவும் அகழாய்வு அவசியமான ஒன்றாகும்.

உ) நம் முன்னோர்களின் வரலாறும் வாழ்க்கை முறைகளும் வளரும் தலைமுறைக்கு நல்ல பாடமாக அமையும்.